«مساعدي»

ما هو باختصار

«مساعدي» يخلي ChatGPT أو Claude يفتح نظام مكتبك مباشرة. بدل ما تدخل النظام وتدوّر على القضية، تسأل سؤالك بلغتك ويجيبك من بياناتك أنت — جلساتك، مواعيدك النظامية، موكّليك، فواتيرك. وتقدر تناديه «يا مساعدي».

ما يشوف إلا نظامك أنت. ولا يشوف أي مكتب آخر مهما كان.

جرّب تقول له

• وش عندي جلسات هذا الأسبوع؟
• أي موعد اعتراض قرب يستحق؟
• ابحث عن قضية الاعتراض على الحكم الابتدائي
• مين ما سدّد فاتورته؟
• أضف موكّل اسمه فهد الشمري وجواله 0559876543
• اكتب لي تحديثًا مختصرًا للموكّل عن وضع القضية

وتقدر تعرّف القضية بأي شيء تعرفه عنها: اسمها، أو رقم الدعوى لدى المحكمة، أو اسم الموكّل. ما تحتاج تحفظ أي رقم داخلي.

الأزرار الجاهزة

بدل ما تكتب الطلب كل مرة، فيه أوامر جاهزة تختارها بضغطة: مراجعة يومي — جلسات اليوم ومواعيدك ومهامك وفواتيرك المتأخرة في رد واحد. ومواعيد الاعتراض القريبة، وملخص قضية، ومتابعة التحصيل، وتحديث للموكّل، وخطة الأسبوع.

الفواتير: الإنشاء شيء والإرسال شيء ثانٍ

لما تقول له «أنشئ فاتورة»، ينشئها مسوّدة ولا يرسل شيئًا للموكّل. يعطيك رابط الفاتورة تقدر ترسله بنفسك في واتساب إن حبيت — الموكّل يفتحه ويشوف الفاتورة ويسدّد ويرفع إشعار التحويل، بدون تسجيل دخول.

وإذا قلت له «أرسلها» — عندها فقط يرسلها على بريد الموكّل ومعها الملف. هذا مقصود: الفاتورة اللي تطلع بالغلط ما ترجع.

وبعد ما ترسلها، يتولّى النظام المتابعة: يذكّر الموكّل يوم الاستحقاق، ثم بعد 3 و7 و14 يومًا إن ما سدّد، ثم يسكت. وكل تذكير يوصلك إشعار في لوحتك حتى تعرف وش طلع باسمك. وتقدر توقفها كلها من إعدادات مكتبك.

ما الذي لا يفعله

• لا ينشئ ولا يعدّل شيئًا بدون ما يعرض عليك ويأخذ موافقتك.
• لا يحذف. ما فيه أداة حذف أصلًا — الحذف من لوحة النظام وبيدك أنت.
• لا يرسل للموكّل إلا حين تطلب الإرسال صراحةً.
• لا يتجاوز صلاحيتك. إذا كنت موظفًا في المكتب، يقرأ ويضيف المهام والجلسات فقط — بالضبط مثل حسابك في النظام.

الصياغة القانونية — اقرأ هذا

حين تطلب منه مذكرة أو عقدًا أو رأيًا، يستند إلى الأنظمة السعودية ومصادرها الرسمية، ويذكر اسم النظام ورقم المادة. وإذا ما كان متأكدًا من نص مادة أو من سريانها بعد تعديل، يقول لك ذلك ولا يخترع رقمًا — الاستشهاد الخاطئ أخطر من عدم الاستشهاد.

ومع ذلك: ما يكتبه مسوّدة تحتاج مراجعتك واعتمادك، وليست رأيًا قانونيًا ولا مستندًا جاهزًا للتقديم. والمسؤولية المهنية تبقى عليك.

وكذلك التنبيهات: هي مساعِدة، ولا تعني أن النظام يضمن ألا يفوتك موعد.

خصوصية بيانات موكّليك

بيانات قضاياك في نظامك أنت، لا عندنا. منصتنا تعمل موجّهًا فقط: تمرّر سؤالك إلى نظامك وتعيد لك الجواب، دون الاحتفاظ بنسخة من محتوى القضايا أو بيانات الموكّلين. التفاصيل الكاملة في سياسة الخصوصية.

وإذا حبيت توقف الربط في أي وقت، احذف الاتصال من إعدادات ChatGPT أو Claude — ينقطع الوصول فورًا.

ما اشتغل معك؟

جرّب أول شيء: احذف الاتصال وأعد ربطه من جديد — يحل أغلب الحالات. وإن استمرت المشكلة، راسلنا واتساب +966 53 966 0700 أو [email protected]، واذكر لنا وش سألته بالضبط ووش رد عليك.